Es relativ grosses Fragezeiche für viel: "Wie leistisch dir das überhaupt?"
Über Theoriee hinter mim Rugge für en potentielle OnlyFans Account oder random Insta DM's vo Lüt wo sich eif wunderet. Het sich nach 6 Mönet IG Stories, sicher de eint oder gfregt - was macht die Frau?
Bevor mer mal dezue chömet wie's finanziert worde isch, en kurze Breakdown wie viel isch überhaupt Usgeh worde? (hans bis jetzt au nöd usgrechnet ehrlichgseit hahahaha)
Unterkünfte TOTAL 6000.-
1500.- HuaHin
150.- Chiang Mai und Pai
150.- Kuala Lumpur
360.- Koh Phangan und Koh Tao
400.- Koh Samui
40.- Kuala Lumpur
650.- Phuket
50.- Krabi
800.- Canggu
100.- Uluwatu
250.- Palm Beach
900.- Sydney
300.- Melbourne
150.- Kuala Lumpur
130.- Singapur
Transport TOTAL 3800.-
Sport TOTAL 1000.-
Daily Living TOTAL 6300.-
ENDTOTAL 17'100.- CHF
Also chömemer jetzt uf es Endtotal vo öpe 17k, vlt mit de eint nöd ihberechnete Koste vo Shopping oder Koffer lagere segemer mal 18K.
Did she start the OF?
So jetzt stellt sich offebar d Frag vowo chömet die 17k? Leider mueni eu enttüsche, han weder en OnlyFans gstartet no Fuessbilder ahfange verkaufe.
Vorem Reise hani 4 Jahr lang ih de Kundeberatig ih de Bank gschaffet (zur Referenz en Ihstiegslohn binere Bank isch 4.5-5k) plus eh KV Lehr 3 Jahr gmacht , wo au die erste 10k Ersparts zemecho sind. Sit ich chli bin hani eig immer scho für mich glernt Geld uf d Site lege und das au sit immer gmacht, obwohl ich au immer viel und gern usgeh han segs für Esse, Schueh, mis momentane Hobby oder natürlich s Reise
Bevor ich uf mini Reis bin, hani mis Auto (VW Up - I miss you) verkauft, mini Wohnig kündet (miss you even more) - Mieterkaution uszahlt becho, und mis ganze restliche Ersparte zamekratzt (inkl. Sparkässeli mit endlosem Münz).
Am Ahfang vo minere Reis hani mit Kollege bizli tradet und au woni ufghört ha bini investiert bliebe #stayinvested ;). Wie de eint oder ander mitbecho het isch BTC vor kurzem uf es all time high, was mini Reis ehrlichgseit grad nomal verlängert het. Plus susch de eint oder ander Titel wo mer teils 300% ihbracht het.
Da ich en Teil vom investierte nonid ha welle useneh, het mer mis Mami netterwies no en Betrag vorgschosse - Danke Mamiii, dezue het isch sie mich 2 Wuche in Koh Samui go bsueche und het s ganze Hotel zahl - Danke nomeh.
De eint oder ander ehemalig Arbeitskolleg chent jetzt reintheoretisch mis Konto kurz abchecke, und luege öbi nur Müll verzelle oder alles valid isch (obwohli d Mehrheit vo de Aktivitäte nüme über die Bank erfolgetlol).
Was deswege au no z erwähne isch, was mers eifacher/ freier gmacht het isch es relativs höchs Kreditkartelimit, wo momentan maxed out isch (empfiehli jetzt wüki niemerem, passet uf wenner "Kredit" ufnehmet chan sehr schnell ines endloses Loch füehre, maches persönlich nur willi grad z Fuhl bin mis Geld chli umeschiebe - s Geld isch aber effektiv da).
Als Tagesbudget hanie durchschnittlich ca. 30.- grechnet, was de einte vlt echli tüf inechunt wenn mer die ganze fancy IG stories mitverfolgt het. Aber au da isch nomal z erwähne, das die meiste Events, Konzert, Partys, Beachclubs, Spa's und au de eint oder ander Znacht uf Ihladig erfolgt isch und ich eig oft sehr sparsam glebt han.
Wahrschinlich isch die Antwort weniger spektakulär oder spannend als erwartet, weder en involvierte Sugar Daddy, no es verkaufe vo explizit Content, no mitem goldene Löffel im Muul gebore - defür kurz, klar und ehrlich.
7 Jahr gschaffet, 7 Jahr gspart und 7 Mönet defür Best Life glebt.
"und chunsch jetzt zrugg ih d' Schwiz ganz ohni Geld?"
Tatsächlich chumi miteme relativ tüfe Kontostand bald mal zrugg. Da ich nöd plane all zu lang ih de Schwiz überhaupt bliebe chani au da netterwies zrugg ih mis Kinderzimmer bi minere Muetter zieh, wo d Mieti einiges günstiger isch als wieder eh eigeni Wohnig sueche. Bin mittlerwiel au überzügt, das mer immer en Weg findet, zum zu Geld cho - öbs jetzt Glace verkaufe in Thailand, Promoter spiele in London oder Outbound Kampagne telefoniere ih de Schwiz isch.
Money comes money goes - aber mit Überzügig chöne sege, han sitem August jede einzelni Tag so glebt, wie ich wett, isch halt (au wenns chli über poetisch tönt) wüki unbezahlbar.