ABOUT ME
NAME
GEBURTSDATUM
WOHNORT
HOBBYS
LIEBLINGSESSEN
LIEBLINGSFARBE
LIEBLINGSMUSIK
BERUF
Winona Lila
22. Mai 2000
ZH oder susch irgendwo uf de Welt
Gym, Reise, Sport allg., Koche, Gstalte, Lese
Fleisch, Sushi und Schoggi Addict
Pink und Lila
HipHop, Techno, Rap alles eigentlich - Depends on mood, finsch wahrschinlich niemer wo meh verschiedeni Genre lost als ich
Ursprünglich KV Bank glernt und paar Jahr ih de Kundeberatig gschaffet - momentan ah paar eigene Projekt drah
WINONA LILA
WINNIES DAILY LIFE
Welcome in Winnie's deepest thoughts - oderso (erwart nüt zu deeps, bin oberflächlich ihr wüssets).
Es öffentlichs Tagebuech quasi. En Ort woni alles chan aesthetic festhalte, inkl. Fotis, Videos und Storys ofc. Da mini Erinnerig dere vonere 1-Tagesflüge und mini Schrift leider dere vomene 3 Jährige glicht, machts sowieso absolut Sinn, mis "Tagebuech" innerhalb vonere Website bzw. emene Blog füehre. Overshare machi ebefalls bereits gekonnt und gstaltig vo mine Fotis und Videos nehmed au scho achtmal zviel Zit in Ahspruch. Daher also die absolut logischi Schlussfolgerig die Fähigkeite ih mim Blog zemefasse - Enjoy (sprich mich eif in Live nöd druf ah, Danke).
Winona Lila
oder eifach Winnie, falls ders nöd merke chasch
23, gebore und ufgwachse in Winterthur. Biz basic und vo Social Media verblendet aber trotzdem sehr cool.
De Blog isch entstande durch eh Reis woni im September 23 gstartet han. Reisetipps, Empfehlige, Esse und Ihdrück werdet authentisch und wahrheitsgetreut (ih minere delulu Reality) teilt.
Ich liebe Esse, Gym, Meer, Strand, Skincare, Carpool, Reise, Snowboarde, Gstalte, Musik, Party, Koche, Backe, Plane, Matcha, Organisiere, Dekoriere, Lese, Shoppe, Sunne, Festivals, Sport, neus Lerne & entdecke und vieles vieles meh... irgendwie tatsächlich fast alles im Lebe.
Wasi nöd so gern ha isch Unehrlichkeit, narzisstischs Verhalte und Schnegge. Obwohli für s'zweite denn doch eh schüchi Faszination han und mich mitem Dritte in Thailand ha müsse "ahfründe".
Very funny, delulu, chaotisch, schüch verwirrt, aktiv, dramatisch, neugierig, freiheitsliebend, tollpatschig, ehrgizig, wyld, impulsiv, spontan, im Film, redseelig, offe, ehrlich, lebensfroh, kreativ, energievoll, und EXTRA
mit dene Wörter beschriebet mich mini Friends obwohl s'eint oder andere nöd ganz minere Selbstreflektion entspricht.
