Als Mensch wo nach jedem Znacht no was Süesses brucht, hani mich au mit de Desserts in Thailand schnell ahgfründet. Dass ihr die nöd verpasset, falls es eu mal nach Thailand zieht - my fav Thai desserts you shouldn't miss:
ROTI
First of all, min absolute Fav, ROOOTIII oder au Thai Pancake gnennt. Roti gits eigentlich ah jedem Street Food Market und bechunsch je nach Region ab 10 THB was öpe 25 Rappe entspricht (ih de touristischere Gegende sinds öpe 60 THB).
Es isch en Crepe ähnliche Dessert wo ufere Fritier Platte mit viel Butter ahbrate wird, nachdem de dickeri Teig "ufgschlage" worde isch.
En klassische Roti isch nur mit Kondensmilch, die meiste bütet aber verschiedeni Variatione mit Frücht, Schoki, und teils sogar salzige Optione ah.
COCONUT PANCAKES - Kanom Krok
Die Pancakes werdet grob beschriebe us Rismehl, Kokosmilch und Zucker hergstellt und ihnere "Pancake Pfanne" ahbrate. Sie sind süess und trotzdem relativ frisch. Falls also ebefalls obsessed mit Kokosnuss bisch, wirsch es definitiv liebe.
COCONUT ICE CREAM
Wemer scho bi Kokosnuss sind, derf es Kokosnuss Glace nöd fehle. Es wird normalerwies frisch inere Kokosnuss selber serviert und isch nöd us meh Sache als Kokosmilch (frisch oder canned), Wasser und Zucker gmacht. Bi de meiste Food Ständ chasches no toppe mit Schoki, Caramel Sauce, Streussel oder Nüss.
Für mich, s beste Glace wo's git, yummm.
STICKY RICE - Khao Niao
Last but not least und genau so OBSESSED bini nach Mango Sticky Rice gsi. Generell süchtig nach Mango, isches ganz klar 2-3 Mal ih de Wuche mis Must Have gsi zum chöne happy go schlafe.
Für Sticky Rice wird Klebries, chli Zucker, Kokosmilch und eh Prise Salz zeme kocht, das wird denn mit Mango serviert undere Kokossauce us Kokosnussmilch, Rismehl und Zucker.
Eifach - aber sooooo guet.